aiaraldeko berbalagunak

AGATE DEUNA URDUÑAN

2012-01-26T13:13:00.004+01:00

Otsailaren 3an Urduñako berbalagunak Agate Deuna ospatuko dute. Arratsaldeko 7etan foru plazan geratzea erabaki dute hantxe guztiok elkartzeko.

Etorri gurekin abestera!!! (Ez ahaztu bakoitzak bere makila eraman behar duela).

GASTEIZKO IZOTZ-PISTA

2012-01-24T11:59:00.000+01:00

GURASOLAGUN:EUSKARA PRAKTIKATU NAHI DUTEN FAMILIENTZAKO PLANA

2012-01-23T16:54:00.003+01:00

Guztiok dakigu BERBALAGUN hitzaren atzetik euskara praktikatzeko eta euskaraz bizi ahal izateko espazio batzuk eraikitzen dituen ekintza konplexua dela.

Eta badago martxan, hainbat talderekin. Baina euskarak ez du muga ezagunik...

Guraso euskaldunak bazarete eta seme-alabekin eta zuena bezalako beste familiekin hainbat ekintzatan parte hartu nahi baduzue, hona duzue formatu berria: GURASOLAGUN (guraso berba-lagunak).

Familia plan ederra eta garai ekonomiko goibeletarako oso egokia: doakoa da.

Lehenengo kontaktua errazteko, planaren norabidea guztion artean adosteko eta balizko zalantzak egiteko, batzar bat egingo da, zu bertaratu zaitezen:

DATA: urtarrilak 27
ORDUA: 17:30
LEKUA: Basalarrina elkartearen egoitza (Azoka plaza)

Deialdi honetan seme-alabak ere gonbidatuta daude, begiraleren bat egongo da haiekin eta jolas-lantegitxo bat ere eskainiko zaie.

Dagoeneko Gurasolagun egitasmoak lehenengo urratsak eman ditu Laudion.>> Ia 30 gurasok eman dute izena seme-alabekin batera euskara praktikatzeko; aukera paregabea dugu lapikoen artean, mendi irteeretan edo esku lanak egiten guraso eta seme-alaben arteko erabilera guneak irabazteko.
Zuk ere izena eman nahi baduzu edo informazio gehiagorako: (-Laudioko AEK 607685744 - laudio_berba@aek.org).

LAPIKOEN ARTEAN EUSKARA PRAKTIKATU LUIAONDON!

2012-01-10T11:38:00.008+01:00

Aurreko abenduan hasitako sukaldaritza ikastaroak hurrengo saioa dauka prest: urtarrilaren 19an Luiaondon elkartuko gara bertako Berbalagunak.

Ikastaroak euskara praktikatzeko aukera ematen digu guk geuk sukaldarilanak egiten ditugulako.

Errezeta berriak ikasi eta euskaraz aritu prezioezin hobean: DOHAINIK!!

Informazio gehiago:
-Laudioko AEK (607685744)

laudio_berba@aek.org

- Aiarako Euskara Zerbitzua (677566245)
cayala.alberto@ayto.alava.net

- Abenduko errezeta ikusi ahal duzue ondorengo argazkian. On egin!

DANTZA IKASTAROA LAUDION

2012-01-10T11:34:00.005+01:00

Hain eskatua izan den euskal dantza ikastaroa abian jarriko da Laudion.Urtarrilaren 16an hasita astelehenero elkartu nahi dugu Basalarrinaegoitzan arratsaldeko 7etatik aurrera. Oinarrizko pausuak ikasi nahiditugu uda honetan dantza plaza guztietan parte hartu ahal izateko.

Gainera krisiaren kontrako salneurrian: DOAN!!
Zu ere animatuta bazaude izena eman!

BERTSOLARI IZAN NAHI AL DUZU?

2012-01-09T10:58:00.001+01:00

Laudioko Euskara arlotik jasotako mezu interesgarria bat:

2012 urtean BERTSOLARI bihurtu nahi?

Ezaguna da urteberri egunerako erreserbatzen ditugula gure egitasmogogokoenak... Eta urte berrian, amaitzen ari den urtean izan ez garena izannahi dugula. Hau nahastea... Baina, kontuak kontu, hona hemen galderazuzena:

BERTSOLARI IZAN NAHI AL DUZU?

= 10-14 urte bitartekoa bazara eta astean ordubete (ostiraletan, 17:00-18:00ordutegian) baduzu edota

= 16 urtetik gorakoa bazara eta astean ordubete eta erdi (astearteetan,17:30-19:00 ordutegian) baduzu...

Galdetu Euskara Arloan (euskara@laudiokoudala.net // 944 034 890) eta zureamets hori egia bihurtzeko bidea erakutsiko dizugu. Doan, gainera. Bainakontuz: lekuak mugatuta daude.

A! Antolatzailea ez da edonolakoa: ArabakoBertsozale Elkartea!!

OLENTZERO ARTZINIEGAN

2011-12-22T17:02:00.003+01:00

18:00etan Olentzero Lastrako zubitik helduko da lehengo futbol zelaira. Kalejira egingo du herrian zehar eta 19:00etan Goiko Plazan gaztain erreak, gozokiak eta ardo gozoak denontzat. JENDEA BEHAR DA KALEJIRAN KANTATZEKO. Ostiralean 20:00etan geratu gara BERBALAGUNOK kantak banatzeko eta entsaio moduko bat egiteko. Animatu zaitezte!!!

HITZALDIA EUSKARAZ EZTA???

2011-12-15T23:11:00.002+01:00

Aiarako Kuadrillatik abenduaren 22rako, osteguna, 19:00etan, Artziniegako Museo Etnografikoan prestatu dugun Euskaraz ezta? saileko lehenengo hitzaldia: Koikili Lertxundi (Athletic-eko jokalaria) eta Maider Unda (borrokalari profesionala). Solasaldian Koikilik eta Maiderrek beren lanbide eta bizimoduan ere euskaraz aritzea posible dela erakutsiko digute, entzuleen galderei erantzungo diete eta, bukatzeko, autógrafo eta argazkien txanda izango da.

AIARALDEA EUSKARAZ

2011-12-13T17:30:00.001+01:00

Honekin batera abenduaren 17an, larunbata, Okondon ospatuko den AIARALDEA EUSKARAZ 2011-ren KARTELA. Zabaldu eta parte hartu Aiaraldeko toki-entitate eta hainbat elkarteren laguntzaz prestatu den jai-egun honetan. Gogoratu herri-bazkarian parte hartzeko epea abenduaren 15ean amaituko dela (plaza mugatuak).

Euskararen nazioarteko eguna

2011-12-02T08:57:00.007+01:00

Jakin duzuenez, abenduaren 3an euskararen nazioarteko eguna ospatzen dugu euskaldunok. Hori dela eta, hamaika ekintza antolatu dira Aiaraldean. Parte hartu zure herrian prestatu diren ekimenetan eta euskaraz bizi!!

Patinatzen ikasteko ikastaroa

2011-11-15T08:38:00.003+01:00

Laudioko Berbalagunok patinatzen ikasteko ikastaroa prestatu dute. Asteartetan 7etatik aurrera izango da Laudioko Institutuan. Azaroaren 22an hasiko da. Izena emateko edo informazio gehiago nahi baduzu: Laudioko AEK: 94 672 67 22 Laudioko Euskara Zerbitzua 94 403 48 90.

Aresketamendi: argazkiak

2011-11-11T08:44:00.010+01:00

Dakizuenez, arazoaren 5ean, Aiaraldeko Berbalagunok Amurrioko Aresketamendi parkera joan ginen. Eguraldia lagundu ez arren, bisita oso interesgarria izan zen. Atera genituen argazkiak ikusi nahi baduzu, klikatu hemen.

Berbalagun aurkezpena, Urduñan

2011-11-07T19:06:00.006+01:00

Datorren azaroaren 11n, arratsaldeko 20:00etan, kultur etxeko areto nagusian, aurkezpen txiki bat egingo dugu Urduñan, aurtengo kanpaina zabaltzeko.

Jadanik berbalaguna bazara, gerturatu zure iritzia eta eskarmentua kontatzeko eta oraindik berbalagun egitasmoa ezagutzen ez baduzu oso aukera ona izango da lagun berriekin harremanetan jartzeko.

Aresketamendi,bisita gidatua

2011-10-27T10:53:00.003+01:00

Datorren azaroaren 5etan, goizeko 11etan, Berbalagunok, Amurrioko Aresketamendi, energia berriztagarrien parkea bisitatuko dugu. Bisita gidatua izango da eta sarrera dohanik. Interesatuta bazaude, jarri gurekin harremanetan azaroaren 3an baino lehen.

Parke honetan ikasiko dugu zelan erabili eguzkia, ura, haizea eta biomasa, energia lortzeko. Ez galdu aukera hau eta eman izena!

Aiarako Euskararen Egunak 2011

2011-10-20T07:38:00.005+01:00

Hona hemen Aiara udalerrian urriko bi azken asteburuetarako antolatu den AIARAKO EUSKARAREN EGUNAK 2011ren egitaraua:

Urriak 21, ostirala: 19:30, Solasaldia "Aiara eta euskara: kontatu ez zigutena" Felix Mugurutza. Arespalditzan, udaletxeko aretoan

Urriak 23, igandea: Ipuin kontalaria (Kontukantoi "Bazen noizbait, norbait..."), Askaria, eskulan-tailerra, Menoioko kontzeju-etxean.

Urriak 28 ostirala: 19:30, Euskal musikaren kontzertu didaktikoa, BADOK 4 musika taldearekin Luiaondoko Sozialean. 21:30 Kantu-mokadua (zatoz pintxoak afaldu eta euskal abestiak kantatzera Kale Danetan taldearen laguntzaz!) Luiaondoko Sozialean. Prezioa 6 €

Urriak 29, larunbata: Bertso sarikada, Arabako 4 bertsolari gazterekin eta trikitixaz girotua. 13:00 Bertso-poteoa Arespalditzan, 14:30, Bertso-bazkaria Llantenoko Eskolan. Prezioa 12 €

Urriak 30, igandea: 10:00 Goizeko mendi-irteera familiarra, Aiara udalerrian zehar, Irteera Etxaurren ikastolatik.

Zuen eragina eta parte hartzea garrantzitsua izango da. Zabaldu eta parte hartu!!!

Informazio gehiago: Aiarako Udala 945 39 90 13

Euskara atsegin dut! Aiaraldeko aurkezpen bideoa

2011-10-10T09:33:00.002+01:00

Euskara atsegin dut!

2011-09-26T10:56:00.004+01:00

Berbalagun programetarako kanpaina berria abian da Atsegin dut! lemapean. Egitasmoan edozeinek har dezake parte, berdin dio euskaldun zaharra, euskaltegiko ikasle ohia edo euskaltegiko ikaslea izan. Kanpaina honetan azpimarratu nahi dena zera da; euskara harreman sareak sortzeko tresna ere badela. "Asegin dut!" esamoldea interneteko sare sozialekin lotzen dugu nahitaez.

Berbalagun programa euskaraz hitz egiteko ohitura duten pertsonak euskaraz hitz egiteko ohiturarik ez dutenekin elkartzean datza. Egitasmoetako partaideek EHUko kredituak eskuratu ahal dituzte, bidaia eta egonaldietarako deskontuak, AIZU! eta berria merkeago, eta beste hainbat abantaila.

Izan zaitez Berbalagun!

Barraskibide: Argazki galeria

2011-06-17T07:54:00.003+01:00

Dakizuenez, pasa den ekainaren 11n, Lendoño Goikoan dagoen barraskilo ekologikoen granja bisitatzera joan ginen Aiaraldeko Berbalagunok. Eskerrak eman behar dizkiegu Ainhoari eta Iñakiri bisita hau debalde egiteagatik.

Argazki galeria ikusi nahi baduzue, sakatu hemen.

Sukaldaritza ikastaroak: Apirileko errezetak

2011-06-14T08:46:00.007+01:00

Laudioko Berbalagunok, apirilean, sukaldaritza ikastaroan errezeta hauek prestatu ditugu:

Otarrainxka piruletak

Pintxorik arruntena

Palmeratxoak

Oso errezeta errazak eta goxoak!

Barnetegi ibiltaria

2011-06-09T11:45:00.003+01:00

Urtero bezala, AEK-k bere udako eskaintzaren barruan, barnetegi ibiltariak ditugu, oinez eta bizikletaz. Hauetan ez dago eskola ordurik, mintzapraktikara bideratuta daudelako. Datak: Uztailaren 2tik uztailaren 17ra.

Informazio gehiago: http://www.ibiltaria.aek.org/

Jostun ikastaroa: Argazki galeria

2011-06-03T08:03:00.004+01:00

Dakizuenez, Laudioko Berbalagunok jostun ikastaroa egin dugu ikasturte honetan. Benetan interesgarria izan da eta asko ikasi dugu. Atera genituen argazkiak ikusi nahi baduzue, klikatu hemen

Barraskilo ekologikoen granja

2011-06-01T07:31:00.003+01:00

Ekainaren 11n, Barraskibide, barraskilo ekologikoen granja, bisitatzera joango gara. Bisita eguerdiko 12:00etan izango da. Granja hau Lendoño Goikoan dagoenez autoz joan behar dugu, horregatik taldeak antolatu behar ditugu auto gehiegi ez eramateko. Bisita dohainik izango da. Izena emateko, jarri gurekin harremanetan ekainaren 9an baino lehen.

Amurrion Euskaraz Bizi Nahi Dut

2011-05-27T07:26:00.005+01:00

"Amurrion euskaraz bizi nahi dut" eguna ospatuko da bihar, maiatzaren 28an. Hona hemen egunean zehar egongo diren ekintzak:

09:00etan: Amurrioko herriko plazatik mendi irteera (naturbidea)

11:30-13:30 Aspaltzaren tailerrak, hankapalu tailerra eta antzinako jokoak

13:30ean Arabako Txakolinaren dastaketa

14:30ean Herri bazkaria, txartelak 7 € (Kultur etxean eta AEKn). Sagardo kupela eta bertso-adarjotzea (Unai Mendibil eta Serapio Lopezen eskutik) euskal kantak eta elkartasun enkantea.

17:00-18:30 Mus txapelketa euskaraz

18:00-19:00 Pilota partidak.

19:00-20:00 Dantza plaza Karrakan-Trakatanen eskutik

Laudioko Euskaraz Bai Eguna, maiatzaren 28an

2011-05-23T09:17:00.005+01:00

Laudion bagarelako...Euskarak pauso bat haratago!
Bideoa ikusteko klikatu hemen

Gaztazko tarta eta azenariozkoa

2011-05-18T10:07:00.004+01:00

Gaztazko tarta (Labean)

Osagaiak: 500gr. Philadelphia gazta, 70gr. irin, 5gr. Royal legamia, 60gr. azukre, 50gr. margarina, 3 arrautza, esne pixka bat, tartatentzako basea (brisa) Nola prestatu: Lehenengo eta behin, labea berotzen jarri 180ºz tan. Moldea brisa masarekin estali eta pixka bat sastatu labean sartzean igo ez dadin. Ontzi batean gazta, azukrea, gurina eta esne pixka bat bota. Dena ondo nahastuta dagoenean arrautzak banan banan gehitu ore bat lortu arte. Azkenik, aurreko masari legamia eta irina apurka apurka nahastu. Egindako orea moldean bota eta labera sartu 40-50 minutu. Jan baino lehen utzi hozten.

Azenario tarta

Osagaiak: 500gr. azenario, 4 arrautza, 250gr. margarina, 8 goilarakadatxo azukre, koko raiatua, sobatuak. Nola prestatu: Hasteko, azenarioak egosi eta hozten direnean zuritu. Ontzi batean azenarioak, arrautzak, margarina, azukrea eta koko apur bat irabiagailuarekin ondo nahastu. Sobatuak erditik ebaki eta moldean jarri ilaran basea estali arte, aurretik egindako masa apur bat gainean bota, berriro ere sobaoak ilaran jarri eta masa gehiago gehitu, horrela norberak nahi beste geruza izan arte. Azken geruza orearena izango da, honi koko apur bat hautseztatzen zaio. Sartu hozkailuan eta 2-3 ordutan prest dago.

Argazki galeria ikusteko sakatu hemen

Jostun ikastaroa, Laudion

2011-05-17T11:55:00.004+01:00

Jostun ikastaroaren hurrengo hitzordua ostegun honetan dugu, maiatzak 19, Laudioko kultur etxean arratsaldeko 7etan.

Urduñako euskal ezkontza 2011

2011-05-03T07:42:00.003+01:00

Apirilaren 16an, euskararen astea zela eta, euskal ezkontza antzeztu genuen Urduñako berbalagunok. Eskerrik asko parte hartu duzuen guztioi! Argazki galeria ikusteko, sakatu hemen.

(Argazkiak: Iratxe Llano eta Javier Ruiz Lili)

Laudioko sukaldaritza ikastaroa: txipiroiak ezti zaporean

2011-04-18T10:51:00.004+01:00

Osagaiak:

1200gr. txipiroi txiki

2 tipula

ogi xigortua

gatza

8 goilarakada oliba olio

3 goilarakada kainaberako ezti

ardo zuria

Tipula txikitu eta oliba olioarekin su baxuan jarritako lapiko batera bota. Utzi tipula egiten ondo potxatu arte. Orduan, hartu txipiroiak eta emaiezu pasadatxo bat ogi xigortuan. Gatza apur bat bota, tipularen goxotasuna estaltzeko. Jarraian bota banan banan txipiroi guztiak lapikora. Utzi hor 15 minutuz su altuagoan. Ikusiko duzu denborarekin zelan txipiroiak ura galtzen hasten diren. Bota ardo zuri baso bat eta beste 15 minutu utzi. Orain botaiezu 3 goilarakada kainaberako ezti. Pixka bat nahastu eta mugitu lapikoa txipiroiak itsasi ez daitezen. Utzi horrela ondo eginak egon arte.

Gogoratu, aurreneko egunean eginda, hobeto gelditzen direla jateko.

Urduñako euskararen astea

2011-04-13T07:19:00.007+01:00

Apirilak 14: 18:30 Helduentzako euskarazko antzerki saioa "Bestela ondo...ezta? Kultur etxean. Apirilak 15: Korrika, goizeko 4:24an Barrerillatik sartuko da. 15:30 korrika txiki, txokolatada, jolasak, herri kirolak Apirilak 16: 12:30 Euskal ezkontza 13:30 Triki poteoa 15:00 Bertso herri bazkaria 10 € (Tiketak Marrazkin, Mugalden eta euskara zerbitzuan) 18:30 Romeria Erdizka Lauetan taldearekin. Apirilak 17: 9:00 Donostiara joateko autobusa (Korrika 17) 13:00 sagardotegi ibiltaria

Artziniegan ostiralean jaia!

2011-04-12T08:09:00.003+01:00

Apirilaren 15eko plana: Goizeko 7:30ean korrika 17 Artziniegatik pasako da. Ondoren txokolatada. Gauean, 20:00etan trikipoteoa, 21:30ean afaria eta 23:30an kontzertua. Asteazkena izango da azken eguna afarira joateko izena emateko Herriko Tabernan (20€)

Maitatu, ikasi, ari...euskalakari!

Argazki galeria: Sagardotegia 2011

2011-04-11T07:35:00.003+01:00

Pasa den martxoaren 19an sagardotegian egon ginen eskualdeko berbalagunok. Primeran pasa genuen eguna. Atera genituen argazkiak ikusi nahi baduzue, sakatu hemen.

13. Gazte Eguna, Urduñan

2011-04-07T07:37:00.008+01:00

Datorren larunbatean, apirilaren 9an, 13. Gazte Eguna ospatuko da Foru Plazan. Urduñako Gazte Asanbladak egun osoko egitaraua prestatu dute. Gazteek, parte hartzera gonbidatu gaituzte Berbalagun guztioi.

Korrika kulturala

2011-04-04T17:33:00.002+01:00

Korrika badator!!

Korrika kulturala abian da. Asteazken honetan Laudioko Basalarrinan, arratsaldeko 7:30ean, Josu Iztuetak Yukon ibaiaren inguruko diaporama bat aurkeztuko digu.

Korrika, Laudiotik Dolumin Bariku gauean pasako denez, afari bat egingo da elizako arkupeetan. Prezioa 8 €. Tiketak dagoeneko salgai Arrañopen, Ilargin eta AEK-n.

Jostun ikastaroa Laudion

2011-03-29T07:53:00.008+01:00

Laudioko berbalagunok jostun ikastaroa antolatu dugu. Hurrengo ostegunean, martxoaren 31n, hasiko da. Kultur etxeko beheko solairuko gela bat utzi digute, beraz, 7etan hantxe elkartuko gara.

Buruari pare bat buelta eman zer konpon dezakezuen jakiteko, edozein gauza izan daiteke: Praka-barrenak hartu, gona bat moztu, alkandora bat eztutu, zazpi bat konpondu... Orratzarekin ere irudimena!

Animatzen bazarete jarri gurekin harremanetan.

Euskal-poteoa 2.0

2011-03-22T09:16:00.004+01:00

Hurrengo data heldu da, ostiral honetan, martxoak 25, Euskal Poteo deialdia egin dute Laudioko Aek-ko ikasleek.

Beti bezala arratsaldeko 7etan Arrañope tabernan egongo gara.

Animo koadrila!

Bakailaoa "Club Ranero" erara

2011-03-16T08:27:00.004+01:00

Osagaiak:

-Lau zati gatzik gabeko bakailao
-Olioa
-Sei ale berakatz
-2 piper berde
-2 tipula

Nola prestatu:

Lehenengo eta behin, lau ale berakatz zuritu eta olio epelean sartu, bigun geratu arte. Prest daudenean aterako ditugu.

Jarraian, berriro ere olio epelean, bakailo zatiak jarriko ditugu (azala gorantz dagoela) egosteko. Sardexka sartzen bada, eginda daudelako seinalea da. Eginda daudenean, bakailao zatiak beste lapiko batera aterako ditugu.

Lapiko honetan olio epel pixka bat ipiniko dugu eta lapikoari eragingo diogu, saltsa loditzeko, hots, pil-pil-a egiteko. Olio apur bat gaineratuko diogu eta berriz ere astinduko dugu pil-pil-a eginda egon arte. Norberaren gustuaren arabera.

Beste alde batetik, geratzen diren berakatzak, tipula eta piperrak "juliana"eran zatitu. Zartagin batean barazkiak ondo gorritu eta, olioa kenduta, bakailaoari gaineratuko diogu. Pil-pil-a ez apurtzeko kontu handiz, ondo nahastuko dugu dena.

On egin!

Euskalakari, koplalari!

2011-03-15T08:47:00.003+01:00

Kopla idatzi sariketa

Parte hartzaileak: AEKko euskaltegietako taldeak zein praktika egitasmoetako taldeak.

Egin beharreko lana: 6koplaz osatutako bertsoaldi bat idatzi. (doinua: ama begira zazu, ikusi nuenean)

Gaia: Euskalakari baten eguna

Oharra: Bertsoaldia idaztea eta bidaltzearekin aski da baina bertsolaritzan doinua ere ezinbesteko osagaia denez, koplak abestera animatu nahi zaituztegu; beraz, telefono batekin edo kamera arrunt batekin zuek kantutako bertsoaldia grabatu eta bidal dezakezue; bideoz iristen diren bertsoaldiek puntu gehigarri bat izango dute.

Noiz eta nora bidali: Azken eguna: apirilak 1. prentsa@aek.org herbidera bidaliz.

Epaile lanak: Bertsozale Elkartea.

Korrikaren amaieran lehiaketako talde irabazlea zein den erabakiko litzateke.

Saria: Irabazten duen taldeak afari edo bazkari bat sagardotegi batean, bi bertsolarirekin.

Aiaraldea Far West da!

2011-03-11T14:56:00.000+01:00

Aiaraldeko berbalagunok autobusa aterako dugu! Sagardotegian 200 baietz!

Denok sagardotegira!!

2011-03-08T08:20:00.004+01:00

Aurten ere sagardotegira joango gara berbalagunok. Martxoaren 19an eguerdian. Plazak mugatuak dira, beraz, eman izena lehenbailehen.

Eta zu, Euskalakaria zara?

2011-02-28T09:46:00.005+01:00

17.Korrika Trebiñu-Donostia 2011ko apirilaren 7tik 17ra.

Dakizuen moduan, Korrika 17k euskalakariak elkartuko ditu Trebiñutik Donostiara. Pausoz pauso eta gelditu barik, milaka korrikalari euskalakarik elkarri pasatuko diote lekukoa, eskuz esku eta kilometroz kilometro. Baina aurrera egiteko, Korrikak herriaren eta herritar bakoitzaren babesa eta laguntza behar du.

Hori dela eta, hilabete honetan aurkezpenak egingo dugu. Hauek dira lekuak eta datak:

Urduñan, martxoaren 2an arratsaldeko 19:30ean Kultur etxean

Artziniegan, martxoaren 3an arratsaldeko 19:00etan Museoan

Amurrion, martxoaren 10ean arratsaldeko 19:00etan Kultur etxean

(Laudion jadanik egin dute aurkezpena, otsailaren 23an)

Euskal-poteoa

2011-02-23T08:47:00.004+01:00

Ostiral honetan, otsailak 25, Laudioko aek-ko ikasleek euskal-poteoa antolatu dute, dakizuenez guztiok gaude gonbidaturik. Beraz, animatuz gero, Arrañope tabernan geratuko gara arratsaldeko 7etan. Oso aukera ona da euskara praktikatzeko!

Artziniegako alde zaharra

2011-02-22T08:54:00.004+01:00

Dakizuenez, pasa den ostiralean, Berbalagunok Artziniegako alde zaharra bigitatu genuen.

Silviari eskerrak ematea gustatuko litzaiguke, bisita gidatua euskaraz egiteagatik.

Ikusi nahi baduzue herri zoragarri honetan atera genituen argazkiak, klikatu hemen.

Artziniegako alde zaharra

2011-02-15T18:31:00.004+01:00

Ostiral honetan, otsailaren 18an, arratsaldeko 18:00etan, Artziniegako alde zaharra ezagutzera joango gara.

Artziniegako gida batekin egingo dugu bisita hau. Dohainik izango da!

Monumento ugari duen erdi aroko alde zahar ikusgarri honen egitura eta historia euskaraz ezagutzeko eukera pare gabe hau ezin duzu galdu!

Animatzen bazara jarri gurekin harremanetan.

Agate Deuna 2011

2011-02-11T08:43:00.004+01:00

Pasa den ostiralean, otsailaren 4an, Urduñako Berbalagunok Agate Deuna bespera ospatu genuen. Gure makila hartu genuen eta plazara atera ginen.

Deialdia irekia eta herrikoia zenez, gurasoak seme-alabekin hurbildu ziren. Oso abeslari onak ez izan arren, kantaldia polit asko geratu zen.

Eskerrak Jose Luis Biguri hurbildu zela, ahots nahaste-borraste hori antolatzeko!

Hona hemen argazki gehiago.

Euskara mihian 2010

2011-02-10T09:48:00.004+01:00

Abenduaren 18an, Artziniegan, Euskara Mihian 2010 eguna ospatu zen. Jakin duzuenez, Aiaraldeko berbalagunok parte hartu genuen jaiegun honetan. Oso egun polita pasa genuen.

Argazkiak ikusteko sakatu hemen.

Agate Deuna, Urduñan

2011-01-31T12:50:00.008+01:00

Urtero bezala, aurten ere, Urduñako berbalagunok Agate Deuna eguna ospatu nahi dugu, horregatik datorren ostiralean, otsailak 4, plazara aterako gara gure makilekin kantatzera.

Animatzen bazara, ostegunean, arratsaldeko 18:00etan "Las Profes" Ikastetxean entsegua egingo dugu. Ostiralean arratsaldeko 18:00etan geratuko gara Foru Plazan.

Entsegua: Otsailak 3, 18:00etan "Las Profes"

Kantaldia: Otsailak 4, 18:00etan Foru Plazan

Etorri zure familia eta lagunekin!

korrika 17ko kanta

2011-01-29T13:16:00.005+01:00

Entzun duzue korrika 17ko kanta?

Puron Ibaia

2011-01-25T09:41:00.007+01:00

Urtarrilaren 15ean, Artziniegako berbalagunak Valderejo parke naturalean egon ginen. Eremu hau 1992 urtean izendatu zen parke naturala eta bere barrenean Euskal Herriko paisai politenetako bat gordetzen du. Berez, Arabako lurretan dagoen Valderejo parkean, Puron ibaia sortutako haranak egituratzen du, eta bere muga naturalak, Araba eta Burgosen arteko muga administratibo ere bihurtzen dira. Arabako mapetan ikusi duzuen mendebaldeko adar horren erdian kokatzen da Valderejo parke naturala.

Egindako ibilbidea Burgoseko Iurretan kokatzen den Herran herrian hasi ginen, eta hortik Riberako bidea egin genuen, guztira 3 ordutako ibilaldia, joan-etorria, solasean paseatzen joateko aitzakirik ezin hobea. Hasi eta gutzira Valderejo harana mugatzen duten erliebe malkartzuekin egin genuen topo, eta hauetan Puron ibaiak higatu duen arroila. Ondoren, harana zabaldu egiten da eta Riberako hustutako herrian hartu genuen etseden, eta bere eliza bisitatu. Eta buelta etxera. Goiza pasatzeko plan gozagarria!

Argazki gehiago ikusteko, sakatu hemen

Sorpresa labean eta kroketak

2011-01-21T08:41:00.011+01:00

Hona hemen abenduan, Laudioko berbalagunek sukaldaritza ikastaroan prestatu zuten menua:

Osagaiak:

Tipula erdia
125 ml olio
150 gr irin
Litro bat este
Urdaiazpikoa
Brick orea

Lehenengo eta behin tipula ondo zatituko dugu, oliotan bota eta gorritu denean irina gehitu behar dugu. Irina ondo busti behar da oliotan, irin zaporea desagertu dadin sukaldatu behar dugulako. Jarraian, esnea gehitu behar zaio, erosotasunagatik gomendatzen dugu ez botatzea dena batera, baina nahi izanez gero ez dago arazorik. Amaitzeko urdaiazpikoa ondo txikituta gehitu eta ondo nahastu ostean gatza behar duen erabaki. Oraingo honetan urdaiazpikoa erabiliko dugu, baina besamelak osagai ezberdinak onartzen ditu, hala nola, bakailaoa, zizak, arrautza egosia, zerbak...

Ondo nahastu behar da aurreko guztia eta ADI! erraz itsasten baita, beraz, bere gainean egon bueltak ematen. Prest egongo da eltzearen ertzeetatik berez kentzen denean.

Kroketak egiteko orea hoztu behar da, geroago, eta bakoitzaren trebeziaren arabera, esku, goilara edo dagoeneko asmatuta dagoen kroketak egiteko kit-az formak egin eta zartaginean fritiju olio bero-berotan.

Sorpresa labean prestatu nahi badugu hoztu baino lehen paketetxoak egingo ditugu brick izeneko ore bereziarekin. Paketetxoak egiteko irudimena baino ez duzue behar, adibidez zaku modukoak egin eta porru zati batekin goikoa lotu. Labea bero dagoenean (180ºC) paketetxoak sartu kolorea hartu arte. Hauek momentuak jan behar dira hoztean ez baitute krak egingo.

Pintxo pote Amurrion

2010-12-22T08:56:00.003+01:00

Pasa den ostegunean, abenduaren 16an, Aiaraldeko Berbalagun batzuk bildu ginen Amurrion, pintxo poteoaren aitzakiarekin, eta bide batez, euskara praktikatzeko, noski! Oso giro polita eta beroa zegoen Amurrion arratsaldea oso hotza izan arren.

Atera genietuen argazkiak ikusteko, sakatu hemen

Arabako Mintza Eguna

2010-12-20T12:38:00.007+01:00

Arabako herrietan antzeko egitasmoetan dabiltzanek elkar ezagutzeko, harreman sare euskaldunak zabaltzeko, asko eta toki askotakoak garela erakusteko, ondo pasatzeko eta motibazioa areagotzeko, ARABAKO MINTZA EGUNA Gasteizen ospatuko dugu urtarrilaren 15ean.

Egitaragua:

10:30 Ongi etorria, Montehermoson. (salda beroa, txorizo pintxoak eta bertsolari gazteen harrera)

11:00 Atzo, gaur eta biharko GASTEIZ EUSKALDUNA, ibilbide gidatua, alde zaharretik.

12:30 ARABA KANTUZ, Arabako kantuzaleen topaketa. Kantu kalejira, Gorbea bodegoiko plazatxotik.

14:30 Herri Bazkaria. Odon de Apraiz ikastolako pilotalekuan

16:30 Mintza-esketxak

17:00 Dantzaldia, AZIDO FOLKLORIKO taldearekin

18:30 Triki Kantu kalegira

Bazkaria 20 € (txartela aurretik erosi behar da)

Animatzen bazarete, jarri gurekin arremanetan urtarrilaren 5ean baino lehen.

Pintxo pote Amurrion

2010-12-15T10:14:00.003+01:00

Ostegun honetan, abenduaren 16an, aiaraldeko berbalagun guztiok Amurriora joango gara Pintxo-poteoa egitera, elkar ezagutzeko eta arratsalde polit bat pasatzeko. Animatuko zara?

Euskara mihian 2010, Artziniegan

2010-12-13T12:48:00.007+01:00

Datorren abenduaren 18an, Artziniegan, Euskara Mihian 2010 ospatuko dugu,

Hona hemen egitaragua:

11:00-13:00 Eskulan tailerrak umeentzat, frontoian

skate-tailerra gaztetxoentzat (7 urtetik gora), frontoian

12:00 Eskualdeko berbalagunen topaketa eta kalejira, frontoitik

14:00 Bazkaria Llantada jatetxean (plaza-kopuru mugatua)

Eman izena Aiarako Kuadrillan (945 39 91 22) plaza-erreserba baieztatzeko, eta ordaindu abenduaren 15a arte, Aiarako Kuadrillaren vital kutxako segidako kontu zenbakian (adierazi izen-abisenak eta "bazkaria" kontzeptua):

2097 0264 86 0008005886 (15 €)

17:00-19:00 Kantu poteoa Alde zaharrean, Bertoko taldearekin

18:00 Pailazoak (Hipo eta Tomax "Beldurraren etxean") frontoian

Anima zaitezte!!

aiaraldea.com lagunek egindako spot-a

2010-12-10T08:55:00.005+01:00

Eskertu behar diegu http://www.aiaraldea.com/ kideei egindako ahalegina, spot zoragarri hau egiteagatik.

Artikutza parke naturala

2010-12-09T09:05:00.004+01:00

Jakin duzuenez, azaroaren 28an, Artikutza parke naturala bisitatu genuen. 22 pertsona bildu ginen bisita interesgarri hau egiteko. Egun osoan zehar bi gidari egon ziren gurekin lekuaren historia eta xehetasunak azaltzeko. Pagoak izugarri politak zeuden urtaro honetan goroldioz beterik. Eguraldia ez zen batere txarra; azken momentuan, berriz, elurra ari zuen eta autobus gidariak une latzak pasa zituen, baina oso trebea zenez, ongi itzuli ginen guztiok etxera.

Argazkiak ikusteko, sakatu hemen

Berbalagun egitasmoetan parte hartzearen abantailak

2010-12-01T11:00:00.012+01:00

Dakizuenez, berbalagun egitasmoetan parte hartzeagatik abantaila eta deskontu batzuk ditugu:

BERRIAko asteburuetako harpidetzan %50 deskontua
AIZU! aldiskariaren harpidetzan deskontua
UEU ikastaroetan deskontua
EHUko aukera askeko kredituak

Informazio gehiago nahi baduzue jarri gurekin harremanetan.

Laudioko Berbalagunok sukaldaritza ikastaroa prestatu dute

2010-11-25T10:16:00.005+01:00

Aurreko ostegunean, azaroak 18, Laudioko Berbalagunok hasi genuen sukaldaritza ikastaroa. Museo gastronomikoan 15 lagun bildu ginen. Lehenengo bikoteak zizak beteriko enpanada prestatu zuten. Primeran pasa genuen baita gozo-gozo afaldu ere.

Sentitzen dugu baina ez daukagu argazkirik blogean txertatzeko. Hain ona zen usaina non argazkilariak ez zuen astirik izan ezta argazki arin bat egiteko, berak ere ahoa eta eskuak beteta baitzituen.

Hurrengo data abenduaren 9an izango da. Animatzen bazarete, jarri gurekin harremanetan.

laudio_berba@aek.org

Santxotena taller museoa bisita gidatua

2010-11-23T10:06:00.008+01:00

Dakizuenez, azaroaren 12an, Xabier Santxotena eskultoreak Artziniegan daukan taller museoa bisitatu genuen. 23 lagun hurbildu ginen. Bisita oso interesgarria izan zen. Atera genituen argazkiak ikusi nahi baduzue, klikatu hemen.

Artikutza Parke Naturala

2010-11-12T09:16:00.007+01:00

Laudioko berbalagun talde batek antolaturik, datorren azaroaren 28an, Artikutza parke naturala bisitatuko dugu. Autobusez joango gara.

Janaria eta edaria eramatea gomendatzen dugu bertan ostalaritza azpiegiturarik ez dagoelako, aldi berean zira eta mendiko botak eramatea gomendatzen dugu Euskal Herriko lekurik euritsuena delako.

Irteera: Aiara kantziler institutuan goizeko 09:00etan (Laudio)

Itzulera: 19:00etan Laudion

Prezioa: 6€

Plaza mugatuak

Azken eguna izena emateko: Azaroaren 23an.

Informazio gehiago: laudio_berba@aek.org

Txartelak salgai Laudioko aek-n

Ez galdu aukera paregabe hau!

Santxotena Tailer Museora bisita gidatua

2010-11-08T15:26:00.007+01:00

Datorren ostiralean, azaroaren 12an, Santxotena eskultoreak Artziniegan daukan tailerra bisitatuko dugu berbalagunok. Bisita, arratsaldeko 18:30etan hasiko da eta eskultorea bera izango da gure gidaria. Tailer museo honen bisita dohanik izango da. Izena emateko azken eguna, azaroaren 11an.

Animatu eta ez galdu aukera paregabe hau!

Atera arbela kalera!

2010-09-22T10:38:00.016+01:00

Aupa lagunok!!!

Kanpaina berria martxan jarri da. Oraindik ez duzu Berbalagun egitasmoa ezagutzen?

Astean behin lagunekin elkartu eta gustuko ekintzak eginez, euskeraz berba egitea, horixe da gure helburua.

Lagun taldeak astean behin elkartzen dira, zaletasun, adin eta denbora librearen arabera, talde bakoitzak erabakitzen du zer egin, noiz eta non.

Norentzat da? Bere euskara hobetu gura duenarentzat. Edozeinek parte hartu ahal du, euskara ikasle izan edo ez, hitz egiteko gogoa baino ez da behar. Eta den-den DOAN!!

Euskaldunontzat ere bada, trebatu gura duenarekin astean behin batuz laguntza ederra ematen delako.

Anima zaitez eta atera arbela kalera! Izan Berbalagun!

Informazio gehiago:

aiaraldea@aek.org

AEK euskaltegiak: 945 892 334/94 672 67 22

Aiarako Kuadrillaren Euskara Zerbitzua: 945 399 122

Amurrioko Euskara Zerbitzua: 945 891 161

Urduña Euskara zerbitzuan: 945 38 48 60

Barraskibide

2010-06-21T09:01:00.009+01:00

Pasa den larunbaterako prestatu genuen irteera (Barraskilo ekologioen granjara bisita gidatua) bertan behera geratu zen eguraldiagatik. Astean zehar jaso genituen euri-zaparradak zirela eta, granjara doan bidea eta landa zeharo lokaztuta zeuden, horregatik Ainhoa Alavak, granjako arduraduna, aurrerago egiteko gomendatu zigun; eguraldia hobetzen duenean.

Barraskibide granja

2010-06-15T21:32:00.004+01:00

Larunbat honetan, ekainaren 19an, Barraskibide barraskilo ekologikoen granja bisitatuko dugu. Granja hau Lendoko Goikoan kokatzen da. Bisita goizeko 11:00etan izango da, horregatik 10:30etan Urduñako Foru plazan geratuko gara. Animatzen bazarete jarri gurekin harremanetan. Anima zaitezte!!

Artziniegako museo etnografikoa

2010-06-07T09:44:00.005+01:00

Dakizuenez, ekainaren 4an, Aiaraldeko Berbalagunok Artziniegako museo etnografikoa bisitatu genuen. Museo osoa ikusteko aukera eduki genuen eta benetan interesgarria iruditu zitzaigun. Ukuiluan, untxi jaioberriak ikusi genituen. Aintzinako euskal bisitza hobeto ezagutzeko aukera ezin hobea!

Berbalagunok Euskal Eskola Publikoaren Jaian

2010-06-02T07:46:00.005+01:00

Datorren igandean, ekainaren 6an, Euskal Eskola Publikoaren Jaia ospatuko da Amurrion. Aukeratutako leloa "Geroa landuz" da. Sokaide taldekoek aurtengo abestia egin dute (Amurrioko berbalagun bat talde honetako partaidea da). Abestia entzuteko klikatu hemen.

Aupa Aiaraldeko berbalagunok!!

Artziniegako museoa

2010-05-31T07:32:00.003+01:00

Ekainaren 4an, arratsaldeko 18:30etan, Artziniegako museo etnografikoa bisitatuko dugu. Sarrera dohanik izango da. Animatzen bazarete, jarri harremanetan gurekin. Ez galdu aukera hau!

Udan ere, praktikatu gurekin

2010-05-21T09:34:00.005+01:00

Aurten ere, udako eskaintzaren barruan, AEK-k praktikatzeko barnetegi ibiltariak antolatu ditu. Oinez eta bizikletaz. Informazio gehiago hemen.

Mintza eguna, aurten, Arrasaten

2010-05-18T21:02:00.005+01:00

Datorren ekainaren 6an, Arrasaten, Mintza eguna ospatuko dugu. Ondo pasatzeko, euskaraz gozatzeko eta jendea ezagutzeko aukera ezin hobea dugu egun hau. Hemen duzue egitaragua:

11:00etan Ongi etorri berbalagun guztioi eta hamaiketakoa denontzat plazan
12:00etan Ibilaldi gidatua Arrasatetik
13:30etan Kalejira
14:30etan Bazkaria herriko plaza nagusian (20 €)
15:30etan Sari banaketa berezia
16:00etan Erromeria KATAIA taldearekin

Animatzen bazarete jarri harremanetan gurekin maiatzaren 25etan baino lehen.

Euskal ezkontza 2010

2010-05-10T08:47:00.006+01:00

Dakizuenez, pasa den apirilaren 25ean, Urduñan, Berbalagunok, euskararen astean barne eta Urduñako udalaren laguntzaz, euskal ezkontza antolatu genuen. Primeran atera zen. Argazkiak ikusteko, sakatu hemen.

aiaraldea.com, Komunikazio Leihoa

2010-04-23T08:08:00.008+01:00

Apirilaren 17an, aiaraldea.com komunikazio leihoa aurkeztu zen Amurrion. Aiaraldean jaio, lan eta bizi diren herritarren talde batek bultzatu du Aiaraldeko herritarrentzako informazio baliagarria biltzen duen euskara hutsezko interneteko atari hau. Informazio gehiago hemen.

Sagardotegia

2010-04-20T11:08:00.005+01:00

Pasa den larunbatean, apirilaren 17an, Aginaga sagardotegian ateratako argazkiak ikusi nahi badituzu, klikatu hemen. (Edo zuzenean blogaren eskuinaldean dagoen flikr.com lotura erabili)

Euskal ezkontza Urduñan

2010-04-15T15:30:00.007+01:00

Euskararen astea dela eta, Urduñan, apirilaren 25ean Euskal Ezkontza ospatuko dugu eguerdiko 13:00etan. Ezkontza eta gero denok elkarrekin bazkalduko dugu "Peña Labarca" txokoan. Bazkariaren tiketak salgai izango dituzue Euskara Zerbitzuan, Marrazki tabernan edo Mulgalden (15€). Edonork parte hartu dezake!

Arratsaldeko 17:30etan dantza saioa izango dugu Erdizka Lauetan taldearekin.

Apirilaren 17an, sagardotegira

2010-03-25T09:43:00.010+01:00

Urtero bezala, Aiaraldeko berbalagunok sagardotegira joateko irteera antolatu dugu. aurten Usurbilgo "Aginaga" sagardotegira joango gara apirilaren 17an. Bazkaria izango da eta autobusez joango gara. Bakoitzak 27 € ordaindu beharko du. Aiaraldeko berbalagunak elkartzeko eta sagardotegiko giroaz gozatzeko aukera polita izan daiteke. Anima zaitezte eta eman izena apirilaren 12an baino lehen!

Gasteizko harresia

2010-03-16T08:34:00.009+01:00

Martxoaren 13an, Berbalagunok Gasteizko harresia bisitatu genuen. Zoragarria benetan. Gainera, bisita eta gero txokolate gozo bat hartu genuen berotzeko. Badakizue, Siberia-Gasteiz...Argazkiak ikusi nahi baduzue klikatu hemen.

Natur Zientzen aretoa Laudioko Museo Gastronomikoan

2010-03-09T16:15:00.010+01:00

Aurreko ostegunean, martxoaren 4an, Javi Mateoren gonbidapena onartu eta Laudioko Museo Gastronomikoan dagoen Natur Zientzen aretoa ezagutu genuen. Bertan, fosil eta mineral ezberdinak ikusi genituen; Laudiokoak, EH-koak zein kanpokoak. Mundu honen inguruko hainbat berezitasun ere entzun genituen. Interesgarria oso iruditu zitzaigun. Talde txikia (7 eta Javi) baina jakinmin handikoak elkartu ginen.

Kaixomaitia.com eta AIZU!

2010-03-08T10:59:00.006+01:00

Berbalagun egitasmoetan parte hartzen dutenentzat bi eskaintza berri ditugu:

- Kaixomaitia.com hiru hilabeteko harpidetza osoan doan (kontaktu edo harremanak euskaraz bideratzeko web ordaintutako zerbitzua da. Bertan euskarazko harremanak izateko eta gainerako lagunekin mezuak trukatzeko aukera dago)

- AIZU! aldizkariko harpidetzan deskontua (AEK-k oinarrizko euskaraz argitaratzen duen aldizkaria da)

Informazio gehiago http://www.praktikatu.blogspot.com/ web horrian

Wikipedia

2010-03-02T16:26:00.004+01:00

Pasa den otsailaren 23an, Laudioko berbalagunok wikipediari buruzko hitzaldia antolatu genuen. Nahiz eta argazkirik ez izan, arrakastatsua izan zela esan beharra daukagu. Joan zirenak poz pozik agertu dira eta jakin dugu batzuk saltseatzen hasi direla wikipedia muduan.

Piper beteak

2010-03-02T16:19:00.006+01:00

Amurrioko berbalagun taldekideek sukaldaritza ikastaroan piper beteak prestatu dituzte. Klikatu hemen errezeta gozo gozo hau ikusteko.

Gasteizko harresia

2010-02-25T16:30:00.005+01:00

Aiaraldeko berbalagunok, datorren martxoaren 12an, Gasteizko harresia ezagutzeko bisita gidatu bat antolatu dugu. Bisita arratsaldeko 18:00etan hasiko da eta doan izango da. Interesa duzuenok, zuen herriko berbalagun dinamizatzailearekin hitz egin martxoaren 8a baino lehen.

Gibel tartaleta

2010-02-23T16:24:00.003+01:00

Amurrioko berbalagun taldeak sukaldaritza ikastaroan egindako azken errezeta ikusi nahi baduzu, klikatu hemen.

Wikipedia ikastaroa

2010-02-13T10:01:00.006+01:00

Datorren otsailaren 23an, asteartea, arratsaldeko 19:00etan Laudioko Basalarrina gunean, wikipediari buruzko ikastaroa antolatu dugu. Interesaturik bazaude, jarri gurekin harremanetan. Benetan interesgarria.

Laudioko euskal gastronomi museoa bisita gidatua

2010-02-08T16:29:00.005+01:00

Datorren ostiralean, otsailaren 12an arratsaldeko 7etan Laudioko euskal gastronomi museoa bisitatuko dugu. Bisita gidatua izango da, dohainik eta euskaraz. Animatzen bazarete arratsaldeko 18:30etan Laudioko herriko plazan elkartuko gara. Izena emateko jarri harremanetan gurekin. Aukera paregabea, txo!

Pirritx eta Porrotx

2010-02-08T08:41:00.004+01:00

Datorren ostiralean, otsailaren 12an, arratsaldeko 17:00etan Urduñako Josefinos gunean, Pirritx eta Porrotx izango ditugu. Oso aukera polita umeak eramateko. Sarrera 2 €.

Planet 51

2010-02-04T13:01:00.006+01:00

Planet 51 filma, otsailaren 6an eta 7an, Laudioko Lanbide heziketaren gunean, arratsaldeko 17:30etan, proiektatuko dute. Sarrera 2 €.

Agenda kulturala

2010-02-02T16:22:00.008+01:00

Agate deuna

2010-01-28T20:10:00.005+01:00

Urduñako berbalagun taldeak berbalagun eta euskaldun guztiak gonbidatu nahi zaituztegu Agate Deuna eguna elkarrekin ospatzera. Horretarako otsailaren 5etan, arratsaldeko 19:00etan Urduñako Foru Plazan geratuko gara abesteko. Animatzen bazarete, hartu makila eta hurbil zaitezte!

Berenjena beteak

2010-01-19T16:23:00.005+01:00

Hona hemen Amurrioko sukaldaritza ikastaroko partaideek egindako errezeta
Osagaiak:

4 berenjena, tipula bat, piper berde bat, 400 bat gramo haragi xehatua, tomate saltsa, gazta birrindua eta gatza

Nola egin:

Lehengo eta behin, berenjenak ondo garbituko eta erditik moztuko ditugu. Ondoren, haragia ganibeta batez moztuko dugu (baina berenjenak hustu gabe). Jarraian, berenjenak labean sartuko ditugu bigun egon arte. Eginda daudenean, hustuko ditugu eta haragia, momentuz aparte utziko dugu.
Berenjenak egiten diren bitartean, tipula eta piperra zatitu eta frijitu. Bigun dagoenean, berenjena haragia erantsiko dugu, gatza bota eta ondo eginda egoten denean, tomate saltsa gehituko dugu. Apur gehiago egiten utziko dugu.
Beste zartagin batean olioa botako dugu eta haragi xehatua egingo dugu. Berenjenak betetzekoa bukatzeko, haragia eta tomatea nahastuko ditugu. Bost minutuz dena batera egosten utziko dugu.
Amaitzeko, berenjenak haragiarekin beteko ditugu, gazta birrindua gainetik botako diegu eta labean berriko sartuko ditugu gainerretzeko.

Oilasko papar-bilkariak txanpinoi kremarekin

2010-01-18T16:23:00.002+01:00

Osagaiak:

Erretilu bat txanpinoi, tipula erdia, esne-gaina, oilasko paparrak, urdaiazpikoa, gazta guria, irina, arrautza eta ogi birrindua.

Nola egin:

Oilasko paparrak xerratan moztu eta gazitu ditugu. Jarraian, xerren gainean urdaiazpiko eta gazta xafla bana ipini, bildu eta arrautza-irinetan eta ogi birrindutan pasatuko ditugu. Hau guztia egin ondoren, frijituko ditugu.

Krema egiteko:

Tipula Xehe-xehe zatitu eta frijitzen jarriko dugu. Bitartean, txanpinoiak garbitu eta xaflatan moztuko ditugu. Tipula bigun dagoenenan, txanpinoiak gehituko ditugu eta gatza botako diegu. Eginda daudenean, esne-gaina erantsi eta apur gehiago egiten utziko dugu. Krema bukatzeko, irabiagailuz pasatuko dugu.

Zerbitzatzeko, bilkari bakoitzari krema pixka bat jarriko diogu ondoan.

Zabaldu urtea euskarari!

2010-01-11T16:24:00.003+01:00

AEK eta UPV-EHUren arteko hitzarmena

2009-12-21T09:57:00.013+01:00

AEKren mintzapraktika egitasmoetan (berbalagun, mintzalagun...) parte hartzen duten Euskal Herriko Unibertsitateko ikasleek aukera askeko kredituak eskuratu ahal izango dituzte, Adostutakoa honakoa da:

Unibertsitateko ikasleen zeregina: mintzapraktika egitasmoan dauden euskaldun berriekin astean ordu batez elkartzea eta euskara ikasleak ikas-prozesua amaitzen laguntzea. Egitasmo hauek mintzataldeetan antolatzen da, unibertsitateko ikasleak bertan integratuko lirateke eta laguntzaile papera beteko lukete. Orotara 45 ordu, hau da, 3 kreditu.

Euskal Herriko Unibertsitateak parte hartzen duten ikasleei euren espediente akademikoko askeko kredituak lortzeko aukera emango lizkiete...

AEKren Praktika Zerbitzua berriz, ikasle horien jarraipena eta ebaluazio txostena egiteaz arduratuko litzateke.

Izena eman edo informazio gehiago nahi izanez gero, klikatu hemen eta aurkituko duzu betetzeko fitxa.

MUSKUILUAK MARINELA ERAN

2009-12-14T16:01:00.005+01:00

Osagaiak:
Kilo bat muskuilu, bost baratxuri ale, perrexila, ogi birrindua eta muskuiluak egosteko erabili dugun ura eta esnea.

Nola egin:
Muskuiluak ondo garbitu eta ur apur batez egosi ireki arte. Irekita daudenean, ur guztia kenduko diegu eta, momentuz, aparte utziko ditugu.

Baratxuria eta perrexila xehe-xehe zaitutu ondoren, zartagin batean apur bat frijituko ditugu. Muskuiluen ura, esne-zurrustada eta ogi birrindua erantsi ondoren, saltsa egosten utziko dugu loditu arte.

Bukatzeko, muskuiluen gainetik saltsa botako dugu eta 5 minutuz egosten utziko dugu. On egin!

MADALENAK

2009-12-10T16:06:00.003+01:00

Osagaiak: (30 bat madalena txiki egiteko)

Arrautza bat, kikaratxo bat ekilore olioa, kikaratxo bat irin, kikaratxo bat azukre, legamia (sobre baten 3/4) eta edozein likore-zurrusta

Nola egin:

Katilu batean arrautza irabiatuko dugu. Jarraian, irabiatzeari utzi gabe, azukrea, esnea, olioa eta likorea gehituko ditugu.

Aparte, plater batean irina eta legamia oso ondo nahastuko ditugu. Ondoren, pixkanaka-pixkanaka, lehen egin dugun nahasturari erantsi eta, behar izanez gero irin gehiago botako dugu loditu arte.

Moldeak erdiraino beteko ditugu eta labean sartu tenperatura epelean 15/20 minutuz. Azken momentuak tenperatura igoko digu apur bat gorritzeko.

Txakolindegia

2009-12-03T17:07:00.003+01:00

Hona hemen pasa den ostiralean egindako bisitaren argazkiak.

IRAKURLE KANPAINA, 2009KO NEGUA

2009-11-26T16:12:00.005+01:00

Irakurle kanpaina, AEKn ikasturtean bitan egiten dugun eskaintza da.

Irakurle kanpainaren bidez euskal liburu eta diskak MERKEAGO eskuratzeko aukera eskaintzen die AEK-k bere ikasle, irakasle eta AEKide guztiei.

Hemen aurki dezakezu 2009ko neguko katalogoa.

BERRIA egunkaria %50 merkeago mintzapraktikako partaideentzat

2009-11-24T18:35:00.005+01:00

Mintzapraktika egitasmoetako partaidea bazara (berbalaguna, mintzalaguna...) Aek-k Berriarekin duen akordioari esker, asteburuetan zure kioskoan %50 merkeago jaso dezakezu egunkaria. Informazio gehiago nahi baduzu, klikatu hemen.

Txakolindegia

2009-11-24T16:08:00.003+01:00

Datorren ostiralean, azaroaren 27an arratsaldeko 7etan, Amurrioko Xarmant Txakolindegia bisitatuko dugu. Etorri nahi baduzu, jarri harremanetan gurekin. Anima zaitez!

Ipuin kontalaria

2009-10-19T10:39:00.006+01:00

Urriaren 21ean (asteazkena), Isabel Millet Ipuin kontalaria izango dugu Laudioko Basalarrina kultur elkartearen egoitzan "Animaliak mintzo ziren garaian" izenburuarekin.

Berbalagun kanpaina

2009-10-15T14:08:00.007+01:00

Berbalagun kanpaina berria abian jarri dugu eskuko behatzak ere ez dira igualak lemapean.

Honenbestez, 09-10 ikasturtean Aiaraldeko berbalagun programan parte hartu nahi duen edonork izena eman dezake, berdin dio euskaldun zaharra, euskaltegiko ikasle ohia edo euskaltegiko ikaslea bada. Berdin dio zein den bere jatorria, adina, lanbidea edo zeintzuk bere zaletasunak, azken batean, eskuko behatzak ere ez direlako igualak. Egitasmoaren inguruko informazioa: http://praktikatu.blogspot.com/

Kontserba ikastaroa

2009-10-09T10:54:00.003+01:00

Pasa den astean Urduñako udalak antolatutako kontserba ikastaroan Aiaraldeko berbalagunek parte hartu zuten. Hona hemen argazkia:

Dantza ikastaroa

2009-10-02T10:06:00.003+01:00

Aurten ere, animatzen bazarete, dantza ikastaroarekin jarraituko dugu. Urriaren 6an arratsaldeko 20:00etan "Las profes"en (Urduñan) ikasturte berriari hasiera emango diogu. Datorren asteartean denok dantzatzera!!