Barraskibide: Argazki galeria

Dakizuenez, pasa den ekainaren 11n, Lendoño Goikoan dagoen barraskilo ekologikoen granja bisitatzera joan ginen Aiaraldeko Berbalagunok. Eskerrak eman behar dizkiegu Ainhoari eta Iñakiri bisita hau debalde egiteagatik.

Argazki galeria ikusi nahi baduzue, sakatu hemen.

Sukaldaritza ikastaroak: Apirileko errezetak

Laudioko Berbalagunok, apirilean, sukaldaritza ikastaroan errezeta hauek prestatu ditugu:

• Otarrainxka piruletak



• Pintxorik arruntena



• Palmeratxoak

Oso errezeta errazak eta goxoak!

Barnetegi ibiltaria

Urtero bezala, AEK-k bere udako eskaintzaren barruan, barnetegi ibiltariak ditugu, oinez eta bizikletaz. Hauetan ez dago eskola ordurik, mintzapraktikara bideratuta daudelako. Datak: Uztailaren 2tik uztailaren 17ra.

Informazio gehiago: http://www.ibiltaria.aek.org/

Jostun ikastaroa: Argazki galeria

Dakizuenez, Laudioko Berbalagunok jostun ikastaroa egin dugu ikasturte honetan. Benetan interesgarria izan da eta asko ikasi dugu. Atera genituen argazkiak ikusi nahi baduzue, klikatu hemen

Barraskilo ekologikoen granja

Ekainaren 11n, Barraskibide, barraskilo ekologikoen granja, bisitatzera joango gara. Bisita eguerdiko 12:00etan izango da. Granja hau Lendoño Goikoan dagoenez autoz joan behar dugu, horregatik taldeak antolatu behar ditugu auto gehiegi ez eramateko. Bisita dohainik izango da. Izena emateko, jarri gurekin harremanetan ekainaren 9an baino lehen.