Gominola goxo-goxoak...

Urduñako gurasolagunak bi egunetan elkartu gara gominolak etxean nola egin ikasteko.

Larunbatean 5 familia elkartu ginen eta asteazkenean 7 familia. Frutak, agar-agar eta azukrea erabilita gominolak egin genituen. 

Eta gainera hurrengo hilabeteetarako ideiak izan genituen. Beraz, adi egon eta eman izena hurrengo tailerretan!

Argazkiak ikusi nahi? Hementxe batzuk: 

GOMINOLA TAILERRA URDUÑAN!

Umeak gozoki-zaleak izaten direla argi dugu. Baina gurasoek ere gominolak maite dituztela ezin da ukatu. Beraz, zer hobe etxean egindako gominolak egiten ikastea baino?

Urduñako gurasolagunek tailerra antolatu dute gominolak egiten ikasteko eta gurasolagun egitasmoaren aurtengo antolaketa zehazteko.

Animatzen zarete? Badakigu batzuk oso lanpetuta ibili ohi zaretela, eta horregatik bi egunetan egingo dugu tailerra: larunbatean (abenduak 16) eta asteazkenean (abenduak 20). Ez duzue aitzakiarik! Eman izen eta gozatu gozoa euskaraz!

ZER: Gominola tailerra

NOIZ: abenduak 16 larunbata eta abenduak 20 asteazkena

NON: Urduñako alondegiko sukaldean

ORDUA: larunbatean goizeko 11:30ean; asteazkenean arratsaldeko 17:30ean

ANIMATU ETA EMAN IZENA!!

PRAKTIKATU ETA BIZI... Izena eman!

Zabalik dago Euskal Herri osoko mintzalagun, berbalagun, mintzakide edota gurasolagun taldeetan izena emateko epea!!

Astean behin tabernan gustura mintzatzeko elkartzen den herritar taldea, bizikleta hartuta txangoa elkarrekin egiten duten lagunak, etab. Ekimen arrakastatsuak dira; izan ere, bermatuta dago hainbat helburu erdiesteko aukera: euskaltegian ikasitakoa praktikatu, euskaraz egiteko plaza eskaini euskaldun orori, zuzeneko bidea izan inguruko euskaldunak harremanetan jartzeko... eta, batez ere, abagune aparta eskaini gustura egoteko eta aisialdiaz gozatzeko.

2017-18 ikasturtean mintzapraktika programaren batean parte hartu nahi dutenek dagoeneko eman dezakete izena Euskal Herrian osatuko diren 100dik gorako egitasmoren batean. Baita Aiaraldean ere: Amurrion, Laudion, Urduñan...

Horretarako, euskaltegietara, euskara-elkarteetara edota euskara-zerbitzuetara jo dezakete, aiaraldea@aek.eus helbidera mezua bidali edota izena emateko fitxa bete.

Argazki lehiaketa: Urduña

Ziurrenik leku kuttuna izango duzue herria. Txikitako jolastokia, lagun-koadrila elkartzeko taberna, umeekin jolasteko plaza, egun sargorietan egarria asetzeko iturria... Bada, horiek guztiak ezagutu nahi ditugu!

Atera argazki bat Urduñako lekurik berezienean eta bidaliguzue, azalpentxo txiki batekin. 

Sare sozialetan zabalduko ditugu argazkiak eta bozken bidez irabazlea argituko dugu. 

Argazkia bidaltzeko azken eguna: ekainak 30
Nora bidali: aintzane-p@aek.eus
Sariduna noiz jakin: uztailak 5
Saria: Bertako produktu sorta eta kultura ekitaldi baterako sarrera bikoitza

Gurasolagunak Mairuelegorretan

Asteburu osoa euri mehatxua egon ostean igandean ateri esnatu ginen. Autotan elkartu eta Muruara abiatu ginen, hortik aurrera euri azpian eman genuen. ordu bateko txangoa kobara, barnetik ordu luzez eta autoetara berriz itzultzea.

Oso ongi pasa genuen, lokatzez aurpegiak zikintzen, txoko politak bisitatzen, estalaktitak, estalagmitak, kolomak....

Uda heltzear dela, lur barrenetan egingo dugu goiz pasa freskura bila. animatuko?

mintzodromoa Amurrion

 Astearte honetan 62, eta eguzkiarekin 63, lagun elkartu ginen Amurrioko plazan euskaraz 3 gai jorratzeko. Teknologia berriak, gazte lokalak eta herri galdeketen inguruan aritu ginen ordu betez. Bikain egon zen, errepikatzeko!

Txoooooooootx!

Agenda berria!!!!

MINTZODROMO BERRIA AMURRION

Peruko jakiak Laudioko Gastronomikoan

Aurreko ostegunean Laudioko berbalagunak eta Orozkoar bat gastronomikoan elkartu ginen. Bertan, Peruko gazte batek taldeari irakatsi zion bere herriko jakiak nola prestatu. azkenik tostak prestatu genituen baina arazotxo bat suertatu zen. Gatza eta azukrea ezberdintzen ikasi beharko dugu hurrengorako!

Inauteriak prestatzen hasiko gara

Inauteriak ate-joka ditugunean, elkarrekin prestatzen hasiko gara. Urduñako gurasolagun taldekoak elkartuko gara hurrengo larunbatean, otsailak 18, aratuste giroan murgiltzen hasteko eta elkarrekin ondo pasatzeko. 

Goma evaz egindako karetak egiten ikasiko dugu... Gurekin ikasi nahi? Ba eman izena otsailaren 16a baino lehen!!

Zer: Goma eva karetak

Noiz: Otsailak 18, larunbata

Odua: 11:30ean

Non: Urduñako alondegian

Izena emateko: aiaraldea@aek.eus

Urduñako artista txikiak...

 Aurreko larunbatean Urduñako alondegian elkartu ginen. Urteko lehenengo tailerra egin genuen (baina ez azkena)...

Txiki zein handi, poliki-poliki ikasi genuen artilea josten, soilik   gure atzamarrak erabilita. Hemen dituzue irudi batzuk...

Hurrengoa OTSAILAREN 18an izango da, beraz, adi zuen pantailetara.

Aupa Urduñako gurasolagun!!

 

Poliki-poliki...

Gurasolagun tailerra Urduñan

Urte berri, tailer berri!!! Neguan bufanda estrenatu nahi eta ez dakizu nola egiten diren? Seme-alabek ere ikastea nahiko zenuke? Anima zaitez eta ikasi gurekin!!

Nagusi zein umeekin eskuekin artilezko bufanda egiten ikasiko dugu. Tailerra urtarrilaren 21ean izango da larunbatarekin, goizeko 11:30ean alhondegian.

Aukera izango duzue Gurasolagun egitasmoa ezagutzeko eta tartetxo dibertigarria pasatzeko. 

Noiz: Urtarrilak 21, larunbata

Non: Urduñako alhondegian

Ordua: 11:30

Oharra: Ekarri zure artilea (lagun bakoitzak bi artile beharko ditu)