Aiaraldeko berbalagunak: 2020

2020/10/15

ARIMEN GAUA AIARALDEAN

Kaixo Lagun

Aurten elkarte ezberdinen artean urriaren 31an,

ARIMEN GAUA edo GAU BELTZA

deituriko egunean jaialdia antolatzea erabaki dugu. Goizez tailer bat egingo da Laudion eta arratsaldean Arakaldon jaialdia egingo dugu.

Familian, ohitura zaharrak berreskuratzeko asmoz egin dugu jaialdia, ondo pasatuko dugu eta lurrari usta garaian emandakoa eskertuko diogu eta deskantsatzen utziko dugu hurrengo urte arte.

GUREKIN OSPATU NAHI? Familian apuntatu hurrengo linka sakatuta:

www.labur.eus/gaubeltza2020

Informazio gehiago nahi izatekotan deitu arazo gabe 693 85 53 12 (Aritz) zenbakira.

*XANDULI MANDULI ZIRRIKIKI EMAN GAZTAINAK GURI…*

https://www.youtube.com/watch?v=GO3dfodLKMg

2020/10/08

Aiaraldeko Lasterkarien liga herrikoia

AIARALDEKO LASTERKARIEN LIGA HERRIKOIA

Arautegia

Berbalagun egitasmoak eta Mugagabe mendi lasterketako antolakuntzak Aiaraldear liga sortzea erabaki dugu, Covidak eragindako lasterketa gabeziari aurre egiteko. Baldintza bakarra dago, euskaraz egitea.

LIGA

Ligak 4 proba izango ditu, eta hurrengo datetan burutu behar dira, nahi beste alditan saiatuta.

* 10 km-ko Traila (Laudion): Ibilbidea: Tracka jarraituta. Urriaren 19tik azaroaren 1era

* Erronka bertikala (Okondon) Ibilbidea: Tracka jarraituta edo ez, ibilbide librea. (guk track bat eskainiko dugu, ez du azkarrena izan behar). Azaroaren 2tik 15era

* Jaitsiera lasterketa (Urduñan) Ibilbidea: Tracka jarraituta. Azaroaren 16tik 29ra

* Orientazio lasterketa: Mapa eta iparrorratza lagun (Oso erreza izango da). Abenduaren 13an

PARTE HARTZEKO

Doakoa da, Parte hartzeko izena eman behar da urriaren 16a baino lehen. 607 673 744 zenbakira Whatsappez zuen izen-abizenak, NAN zenbakia eta jaiotze-data bidali behar dituzue eta parte hartu nahi duzuela aipatu, euskara hutsean.

Behin izena emanda, proben informazioa jasoko duzue, tracka.... (Probek ez dute 2 ordutik gorako iraupenik, eta sasoi puntu batekin edonork egitekoak dira).

SAILKAPENA

Behin ibilbidea osatuta duzuenean, whastapp-a bidali behar duzue goian aipatutako zenbakira eta bertan behar izandako denbora eta egindako tracka erantsi behar duzue (GPX dokumentua). Bidaltzeko azken eguna hurrengo probaren lehenengo eguna izango da. Lehenengo tracka bidaltzeko azaroaren 2a, adibidez.

Proba guztien denborak batu egingo dira sailkapena osatzeko. Ez duzue zertan denetan parte hartu. Hala ere, batean parte hartu ezean, lasterketa horren lehen sailkatuaren denboraren hirukoitzarekin “zigortuak” izango zarete.

Sailkapena egon arren ez da azkarrenei sari berezirik emango, partaide guztien artean hainbat sari zozketatu egingo ditugu.

MATERIALA:

Lasterketa arrunta ez denez, ez dira ikuskariak egongo. Horregatik ezin dugu derrigortu materiala eramatera baina bai gomendatzen dugu hurrengoa eramatea:

Zira (euritarako kapa). Buffa edo kapela

Tapaki termikoa

Bastoiak

Ura eta jana

SEGURTASUNA:

Egoera berezia da eta segurtasun neurriak hartzea gomendatzen dizuegu, bakarrik egin daiteke baina taldeka egitekotan musukoaren erabilera eta eskuen desinfekzioa egitea gomendatzen dizuegu.

Hau ez da lasterketa arrunt bat, guk diseinatutako proba da baina ez dago antolakuntza formalik. Partaide orok bere gain hartzen du bere segurtasuna. Gomendatu egiten dugu mendian federatuta egotea, baina zuen eskutan uzten dugu egotearena ala ez. Bakoitzak bere arriskuak onartzen ditu eta erantzukizuna du.

2020/10/05

ORIENTAZIOA OKONDON

2020/09/22

Berbalagun Martxan

Ikasturte berriarekin batera, martxan gara!

Euskara praktikatu, hobetu, mantendu edota, beste barik, hitz egin nahi duzu? Bada, hauxe da zure aukera!

Laudion, Amurrion, Aiaran eta Urduñan hainbat talde daude eta berriak ere sor daitezke.

Deitu (607 673 744) edo idatzi (aiaraldea@aek.eus) eta galdetu lasai!

2020/06/02

Aiaraldea ezagutuz ekimenaren 4. galdera

2020/05/27

GARAGARDO DASTAKETA ON-LINE

Ekainaren 10ean Eneko Candal ekoizlearen azalpenekin Garagardo dastaketa egingo dugu On-line (3 garagardo). Izen-ematea 31a baino lehen egitea eskatzen dizuegu botilak garaiz etxera eramateko. Prezio sinboliko bat jarri dizuegu, 5 euro. Ukaezinezko aukera, ezta?!

parte hartzeko klik bertan: https://meet.jit.si/Aiaraldekoautu-mautuak

2020/05/26

ESPEDIZIO LASTERKETAK (AUTU-MAUTUAK)

3. asteko hitzaldia! Oraingoa Imanol Garaizabal Raiderrarekin. Iraupen luzeko (Korrika, bizikleta, eskalada, piragua...) lasterkaria, Europa mailan maila gorenean dagoena. Bere bizipenak kontatuko dizkigu. Ez galdu aukera

Parte hartzeko klikatu lotura honetan > https://labur.eus/jcge2

2020/05/13

Solasaldia: Etxea, euskal kulturaren oinarria

Maiatzaren 20an, Felix Mugurutza Laudioko euskara teknikaria eta euskal usadioetan adituarekin solasean ibiliko gara. Gaia; Etxeak euskal kulturan duen garrantzia.

Parte hartzeko klikatu lotura honetan > https://labur.eus/jcge2

Autu-mautuak: berriketan gai baten inguruan online aritzeko proposamena da.

2020/05/05

Onddoak Latiorron

Udaberriarekin bat onddoak agertu zaizkigu Latiorron. baina non agertu dira? Hemen duzue mapa. Joan zaitezte mapan agertutako hizkien kokalekura eta lotu irudiekin. Ea 8ak lotzeko gai zareten.

Inprimatu ezazue mapa eta disfrutatu paseoa emateko dugun ordua!