Bisita gidatua

Egun on! Atzo euskal ezkontzaren argazkiak erakutsi bagenituen, gaur pasa den ostiralean Urduñatik antolatu genuen bisita gidatuaren argazkia aurkezten dizuegu. Aiaraldeko berbalagunak bildu ginen eta talde polita osatu genuen. Bisita Urduñako berbalagun batek gidatu zuen eta primeran egin zuen, oso ondo pasatu genuen. Ea hurrengo batean berbalagun gehiago animatzen zareten!

Euskal ezkontza

Kaixo lagunok! Jakingo duzuenez pasa den larunbatean, apirilaren 19an, euskal ezkontza ospatu genuen Urduñan. Bertako berbalagun talde batek antolatu zuen eta herriko gainontzeko euskaldunak animatu zituzten. Kriston festa izan genuen Urduñan eta horren adierazle honako argazki hauek:

Mendi irteera

Egun on! Larunbat honetan, apirilak 19, mendi irteera bat antolatu dugu Orozko aldera. Oraingo honetan, Julen Reketa mendizale ezagunak lagunduko gaitu eta berarekin batera honako ibilbide hau egingo dugu: Urigoiti- Atxulaur- Supelegor- Lezardi- Urigoiti. Ibilaldia goizez izango da, goizeko 8:00etan Laudioko Herriko Plazan geratu gara guztiok elkarrekin Orozkora hurbiltzeko eta Urigoitin martxa hasteko. Itzulera eguerdiko 14:00ak inguru izango da. Animatu zaitezte oso ibilbide polita da ta!! Primeran pasako dugu!!

Bisita gidatua

Arratsalde on! Ostiral honetan, apirilak 18, aiaraldeko berbalagunok Urduñako alde zaharra ezagutzeko bisita gidatu bat antolatu dugu. Bisita, arratsaldeko 19:00etan Foru plazan (argazkia) hasiko da eta euskaraz hitz egiteko prest dagoen edonor animatu daiteke. Ostiralean Urduñan ikusi nahi zaituztet!!

Txalaparta ikastaroa Urduñan

Urduñako berbalagunek martxan jarri dute txalaparta ikastaro bat. Zuk ere haiekin batera ikasi nahi baduzu jakin ostiralero arratsaldeko 19:00etan "Las profes"-en biltzen direla. Hona hemen berbalagun talde honen argazki pare bat:

Film laburrak + solasaldia

Arratsalde on guztioi! Apirilaren 11n , ostirala, arratsaldeko 7,30etan euskarazko film laburren emanaldi bat egingo da Luiaondoko Zentro Sozialean. Emanaldi hau Hogeitalau Elkarteak antolatu du Aiarako Udalaren laguntzarekin. Guztira 10 film labur ikusi ahal izango dira eta ondoren, Gasteizko "TRASTAKA Ekoizleak" taldekoekin solasean aritzeko aukera izango dugu. Ostiral honetan denok Luiaondora!!

Berbalagun taldeak

Egon on guztioi! Oraingo honetan Amurrioko berbalagun talde bat aurkeztuko dizuet. Argazki honetan ikusten dituzuen emakume eder hauek Ama talde bat osatzen dute. Asteazkenero seme-alabak eskolan dauden bitartean, arratsaldeko 15:15etatik 16:15etara, kafetxo bat hartzeko biltzen dira. Atxubi tabernan elkartzen dira eta han asteko kontuak elkarri kontatzen dizkiote. Zuk ere euskaraz hitz egin nahi baduzu berbalagunen izena eman eta emakume hauek bezala primeran pasako duzu!!

Kantu-afaria

Kaixo berbalagunok! Ostiral honetan, apirilaren 4an, Kantu afaria izango duzue Laudioko Basalarrinaren egoitzan Berriketan Musika taldearekin. Kantuzaleen taldeak antolatutako kantu-afari hau arratsaldeko 20:00etan izango da eta sarrerak Laudioko AEK euskaltegian salgai izango dituzue (6€). Ostiralean denok kantatzera!!!